Мы не выбіраем час, у які нам жыць, але мы выбіраем шлях, які мы мусім прайсці.
Віктар Бабарыка
FAQ
Вступить в партию
Мы выбралі шлях. Мы, прыхільнікі Віктара Бабарыкі і паплечнікі Марыі Калеснікавай, яднаемся ў партыю новага тыпу «Разам» і збіраем людзей, якія падзяляюць нашае бачанне будучыні Беларусі — свабоднай і багатай краіны, дзе рэалізуюцца таленты. Партыя новага тыпу «Разам» Віктара Бабарыкі — партыя неверагодных людзей, патрыётаў Беларусі.

За кароткі тэрмін аблічча Беларусі змянілася дзякуючы яе людзям. Беларусы пачалі паказваць грамадзянскі тэмперамент, паверылі ў сябе і адзін у аднаго, сталі ўзорам для ўсёй сусветнай супольнасці. Галоўны рэсурс Беларусі — гэта яе грамадзяне. Нам больш не трэба шукаць самавызначэнне — мы ведаем, хто мы, якія мы і што мы можам. Беларусы ўмеюць самаарганізоўвацца, браць адказнасць, дапамагаць, знаходзіць выйсце са складаных сітуацый, належным чынам выкарыстоўваць свае веды і розум. Мы не баімся пераменаў, а імкнёмся развіваць сябе і свет навакол, бо ведаем, што гэтыя перамены — да лепшага.

Партыя «Разам» — гэта лагічны працяг саюзу беларусаў. Мы аб'ядноўваем прыхільнікаў нашых прынцыпаў і, што самае важнае, мы ведаем, як ператварыць гэтыя прынцыпы ў жыццё.
Мы ствараем партыю «Разам», каб
усё змяніць да лепшага

Мы ствараем партыю новага тыпу. Што гэта значыць? Партыя новага тыпу – гэта сучасная структура. Разам мы выкарыстаем веды і падыходы для эфектыўнага вядзення бізнесу, IT-індустрыі, развіцця паспяховых грамадзянскіх праектаў, творчасці. У партыі новага тыпу яшчэ менш іерархіі, але больш месца для супольных рашэнняў, дэмакратыі, лічбавізацыі. Мы хочам, каб больш беларусаў абмяркоўвалі лёсы краіны, а іх меркаванне ўлічвалася.

Калі ў нашай краіне праходзяць выбары — мы павінны браць у іх удзел, калі змяняюцца законы — яны павінны ўлічваць нашыя інтарэсы. Калі дзяржава не можа эфектыўна працаваць — мы пакажам як.

Мы будзем дамагацца прыняцця важных законаў і скасавання несправядлівых, мы будзем дамагацца выканання законаў уладай. Мы будзем дыскутаваць са службоўцамі, настойваць на скасаванні прывілеяў і вяртанні раўнапраўя ў дачыненні да грамадзянаў незалежна ад іх палітычных паглядаў. Мы будзем патрабаваць празрыстай працы судовых і праваахоўных органаў. Мы будзем выражаць сваю нязгоду ўсімі законнымі спосабамі.

Мы хочам разам распрацаваць праграму палітычнай і грамадскай трансфармацыі нашай краіны і рэалізаваць яе таксама разам. Мы хочам, каб у Беларусі з'явілася новая ўлада, якая будзе чуць народ і служыць яму. Мы хочам пабудаваць краіну, якой будзем ганарыцца.

Калі звузіць выяву Беларусі будучыні да трох патрэбных параметраў — гэта дабрабыт, павага і бяспека.

Беларусь, у якой мы ўсе будзем жыць, — гэта краіна, паспяховая сярод сяброў і партнёраў у свеце. Яна на роўных супрацоўнічае з вядучымі краінамі. Яна адкрытая свету, карыстаецца ягонымі дасягненнямі і дадае ў яго свае. У Беларусі жыве заможны народ, і таму яна — заможная краіна. У Беларусі будучыні выкарыстоўваюцца самыя апошнія тэхналагічныя дасягненні для паляпшэння жыцця людзей. Дзяржава ў гэтай краіне — памочнік, яе функцыя — спрыяць людзям і працаваць на людзей, а не наадварот. Свабода, павага, правы чалавека, бяспека, дабрабыт і клопат аб здароўі і жыцці кожнага грамадзяніна — найвышэйшыя каштоўнасці ў гэтай краіне.

Нашая агульная будучая Беларусь — дзяржава, дзе шануюць права і закон, дзе дакладна падзеленыя абавязкі і паўнамоцтвы розных органаў улады, суды незалежныя, а службоўцы падпарадкоўваюцца абраным прадстаўнікам народа, за якіх мы разам галасавалі на сумленных і празрыстых выбарах. Дзяржава працуе ў сістэме балансаў і процівагаў, якія не дазваляюць каму-кольвек прыўлашчыць краіну. А па тэлевізары, у сацсетках і газетах — кажуць праўду.
Мы пройдзем гэты шлях перамен да лепшага разам.

Як мы бачым Беларусь будучыні
Маніфест партыі «Разам»
What will this
lead to?
What will this
lead to?
Каманда
Яўгенія Сугак
Галоўны рэдактар The Village, журналіст, сябра штаба Бабарыкі з чэрвеня 2020
Дзмітрый Падалінскі
Кіраўнік, бізнес-кансультант, сябра штаба Бабарыкі з кастрычніка 2020
Таццяна Хоміч
Бізнес-аналітык, сябра штаба Бабарыкі з мая 2020
Віктар Бабарыка
Самы папулярны палітык Беларусі, банкір
Марыя Калеснікава
Арт-менеджар, музыкант, Каардынатар штаба Бабарыкі з мая 2020
Максім Баграцоў
ІТ-прадпрымальнік, кіраўнік, сябра штаба Бабарыкі з верасня 2020
Антон Раднянкоў
Кансультант па камунікацыі і стратэгіі, сябра штаба Бабарыкі з мая 2020
Іван Краўцоў
Архітэктар, сябра штаба Бабарыкі з мая 2020
Леся Руднік
Палітолаг, сябра штаба Бабарыкі з лістапада 2020
Глеб Герман
Прэс-сакратар штаба Бабарыкі з чэрвеня 2020
+ як мінімум 14 тысяч актыўных прыхільнікаў,
якія збіралі подпісы і былі валанцёрамі штаба падчас летняй кампаніі, а зараз падключаюцца да працы партыі
FAQ
Навошта мы ствараем партыю?
Каб зрабіць жыццё ў Беларусі лепшым. Мы хочам мець законныя рычагі для ўплыву на сітуацыю ў краіне і магчымасць яе змяніць. Для гэтага мы, каманда Віктара Бабарыкі, на даручэнне Віктара і з яго ўхвалення, займаемся стварэннем партыі «Разам».

Партыя — гэта лагічны працяг супраціўлення, пераход да больш сістэмнага фармату. Віктар пастанавіў ствараць партыю з гэткай жа прычыны, з якой ён пайшоў на прэзідэнцкія выбары, — зрабіць краіну і жыццё ў ёй лепшымі. Беларусы змяніліся, і трэба змяняць сістэму кіравання на тую, дзе дзяржава будзе працаваць на людзей; грамадзяне змогуць удзельнічаць у прыняцці рашэнняў, якія вызначаюць іх лёс; эканоміка будзе эфектыўнай, а беларусы змогуць свабодна выказваць сваю думку.
Чым будзе займацца партыя?
Мы будзем праводзіць кампаніі па змене заканадаўства (напрыклад, закон пра масавыя мерапрыемствы) і выбарчага кодэкса. Будзем развіваць сетку рэгіянальных актывістаў для вырашэння праблемаў рэгіёнаў, падтрымліваць незалежную прэсу і дамагацца вызвалення палітычных зняволеных. 

Аднак самае важнае заданне партыі — перамога і пабудова новай Беларусі. На мясцовых выбарах, якія адбудуцца да канца 2021 года, нашая партыя вылучыць тысячы кандыдатаў у дэпутаты мясцовых радаў.
Наколькі гэта бяспечна?
Мы працуем толькі ў рамках закона, адкрыта і празрыста. Мы выказваем сваю нязгоду толькі законнымі спосабамі. Мы дзейнічаем разумна і акуратна. Мы імкнёмся вярнуць палітычную дзейнасць у законнае рэчышча і працягваць працу, нягледзячы на складаныя часы.
Калі партыю не зарэгіструюць, што тады?
Мы будзем падаваць дакументы і дамагацца рэгістрацыі партыі. Аднак калі неўзабаве нас не зарэгіструюць, мы будзем дзейнічаць у рамках юрыдычнага статусу: «Аргкамітэт палітычнай партыі». Паводле гэтага статусу мы можам праводзіць мерапрыемствы і ажыццяўляць палітычныя дзеянні. Такім чынам працуюць некаторые партыі ў Беларусі.
Хто запускае партыю?
Партыя ствараецца на базе каманды, якая зрабіла паспяховую летнюю выбарчую кампанію Віктара Бабарыкі і Святланы Ціханоўскай. Нашая каманда — гэта Марыя Калеснікава і Віктар Бабарыка (яны ўжо сябры партыі «Разам», а пасля вызвалення пачнуць актыўна ўдзельнічаць у яе працы), прадстаўнікі штаба ў Мінску ў асобе Максіма Баграцова і яго каманды, штаб Віктара Бабарыкі ў Варшаве (каля 15 чалавек, сярод іх Іван Краўцоў, Антон Раднянкоў, Яўгенія Сугак, Таццяна Хоміч) і 8000 сяброў ініцыятыўнай групы леташняй кампаніі.

У Віктара Бабарыкі ёсць дваццацігадовы досвед высокаэфектыўнага менеджменту, які ён хоча выкарыстаць для кіравання краінай. Багатыя кампетэнцыі і досвед у розных сферах маецца і ва ўсёй каманды Бабарыкі. Гэта прадпрымальнікі, айцішнікі, архітэктары, медыя-менеджары, юрысты, музыканты, рэдактары, дызайнеры, рэкламісты і іншыя здольныя людзі, якія зрабілі самую паспяховую прэзідэнцкую кампанію ў гісторыі краіны.

Гэта раскол?
Ні ў якім выпадку! Множанне палітычных партый — гэта прыкмета развіцця здаровага дэмакратычнага грамадства. Наш штаб зарэкамендаваў сябе не толькі як дасведчаная і творчая, але і як прыязная і неканфліктная каманда. Усе палітычныя сілы ведаюць пра запуск партыі «Разам». Мы супрацоўнічаем, працягваем распрацоўку супольных праектаў і ініцыятыў.
Якая праграма ў партыі?
Праграму партыі мы распрацуем супольна з сябрамі партыі, каб кожны з іх меў магчымасць зрабіць ўнёсак у развіццё бачання новай Беларусі. Аднак нашая каманда пры падтрымцы палітычных экспертаў ужо распрацавала прапановы па праграме, якія мы прэзентуем сябрам партыі на ўстаноўчым з'ездзе. Сабраўшы 1000 першых сяброў партыі, мы правядзём з'езд, на якім адбудуцца ўнутраныя выбары: мы вызначым сваіх лідараў, прыярытэты працы, мадэль удзелу ў выбарчай кампаніі па мясцовых выбарах.
Як уступіць у партыю?
Цісніце на кнопку «Уступіць у партыю» і запаўняйце анкету — гэта першы крок. Калі вы хочаце зрабіць нешта ад імя партыі ці атрымаць кансультацыю па любых бягучых пытаннях, звяртайцеся да прадстаўнікоў нашай каманды ў наш Telegram-бот @info_babaryka.
Заяўка ў партыю
Імя і прозвішча
Па-руску ці беларуску
Электронная скрыня (e-mail)
Тэлефон для сувязі
Кантакты
+375 (29) 142 06 15
@BabarikoTeamBot
Кантакты

© 2020-2021 Партыя «Разам»